عادةً نتكلم في هذه النشرة عن البزنس ومشاكل المشاريع

بس اليوم حبيت اشاركك شي ثاني، شي شخصي اسويه انا بنفسي بعيد عن الشغل

لان صاحب المشروع الشاطر مو بس اللي يعرف يكبّر مشروعه، اهو اللي يعرف شلون يحمي ويثمّر الفلوس اللي يطلعها منه

خلني اسألك سؤال

لو حطيت ١٠٠ دينار كل شهر في الذهب او في استثمار حلال، تدري شكثر بيصيرون بعد ١٠ سنين؟

اكثرنا ما يعرف الجواب، وعشان جذي ما يبدأ

الحقيقة ان بناء الثروة مو محتاج مبلغ كبير، محتاج مبلغ ثابت ووقت وصبر. الرقم الصغير يحس الواحد انه ما يسوي شي، فيأجل ويأجل، وبعد سنين يكتشف انه لو بدأ من قبل چان صار عنده مبلغ يفرق حياته

والذهب بالذات، اكثر الناس تنساه. يشترون وقت الي مرتفع ويبيعون وقت النزول، والصح عكس هذا تماماً. الذهب حماية طويلة المدى مو مضاربة سريعة

عشان جذي سويت لك حاسبة بسيطة، تحط فيها المبلغ اللي تقدر تستثمره كل شهر، وتشوف بعينك شكثر بيصير عندك بعد سنوات

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها