هذه النشرة مو عن البزنس

بس بنص زحمة الشغل والطموح، في كلام حبيت اشاركك فيه

الحياة علمتني

ان محد يشوف الحرب اللي داخلك غير رب العالمين

الحياة علمتني

ان مو كل تأخير خسارة، بعض التأخير كان رحمة وانت تحسبه حرمان

وان مو كل واحد يصفق لك يتمنى لك الخير

الحياة علمتني

ان راحة البال نعمة ما تنشرى بفلوس، ويا حظ من يملكها

ومو كل شخص كان معاك في البداية راح يكمل للنهاية

الحياة علمتني

ان مو كل اللي اختفوا من حياتك كانوا خسارة، بعضهم كانوا درس، وبعضهم نجاة من الله

وان اقسى الليالي اهي الي صنعت اقوى نسخة منك

الحياة علمتني

ان مو لازم كل واحد يفهمك او يؤمن بطموحك، يكفي انك كل مرة تطيح وترجع توقف مرة ثانية

واذا للحين تحاول، وللحين تدعي، وللحين عندك امل رغم كل الي مريت فيه

فثق تماماً ان ربك ما خلاك تصبر عبث

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها