صاحبة مشروع عندها مشروع حلويات من سنتين، وحلوياتها مشهوره والكل يمدح فيها

بس اهي تعبانة، تعب مو طبيعي. تشتغل من الصبح لي الليل للتجهيز والمشتريات والتنسيق والموردين والعملاء واستفساراتهم، والطباخ وغيييره ف ماعندها وقت لعيالها وبيتها ولا لنفسها

وصلت لمرحلة قررت تسكر المشروع، تقول المشروع ناجح بس انا تعبانة وما اقدر اكمل جذي

قبل ما تسكر، كلمتني اشوف الوضع. قعدت معاها اراجع شغل يومها ساعة ساعة، واكتشفت ان المشكلة مو بالطلبات ولا بالسويت، المشكلة ان كل شي بالمشروع يمر عليها اهي. المشروع كله واقف عليها، ولو تمرض يوم يوقف كل شي

سوينا شغلة وحدة بالبداية، رفعنا السعر شوي لان طبقنا استراتيجية جديده للتسعير عشان تعطي قيمة اكبر لشغلها و الاهم ان وظفت شخص يرد على الرسايل ويرتب وينسق الطلبات ومساعد بالمطبخ ف صارت تشرف اكثر من تشتغل بأيدها

الهدف مو ان نوظف اهيا بس تحط ريل على ريل، نبيها تشتغل على اكثر شي فيه فايده للمرشوع عشان تطور ويسوى وقتها عشان ما تمل ولا تستسلم وتقدر تكمل هذه الرحلة

الزبدة

لو انت في نفس الحال، ومشروعك كله واقف عليك وتعبت، لا تفكر تسكر، يمكن المشكلة مو بمشروعك بس بطريقة ادارتك له

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها