اغلب اصحاب المشاريع لما يحسون ان مشروعهم واقف، اول شي يسوونه ان يصرفون على اعلانات عشان يجيبون عملاء اكثر

بس مرات، العملاء مو مشكلتك اصلاً، وانت قاعد تصرف فلوسك على المشكلة الغلط

بعطيك طريقة بسيطة تعرف فيها مشكلتك الحقيقية

اي مشروع، مشكلته وحدة من الثنتين، مو الثنتين مع بعض

اما ما عندك عملاء كفاية، عندك مكان وطاقه استعابية بس محد ايي، وهذه مشكلة طلب

او عندك عملاء وايد بس ما تقدر تلبيهم كلهم بجودة، وهذه مشكلة طاقة استعابية

والاختبار سهل، اسأل نفسك، لو ضاعفت اعلاناتي باجر ويوني ضعف العملاء، بيكبر مشروعي ولا بيصير كابوس ما اقدر الحق اخدمهم؟

لو الجواب ان بيكر مشروعي، ف مشكلتك طلب، وحلك التسويق وجذب العملاء

لو الجواب بيصير كابوس، مشكلتك طاقة، وصرفك على اعلانات بيخرب سمعتك لان ما بتقدر تخدمهم صح

حلك مو عملاء اكثر، حلك ترفع سعرك، او ترتب عملياتك، او توظف عشان تكبر طاقتك الاستعابية

خلني اعطيك مثال

مطعم طاولاته فاضيه، مشكلته طلب ولازم يسوق

بس مطعم عليه طابور وناس ناطرين بالساعات، مشكلته طاقة استعابية، ف لو زاد اعلاناته بيخسر سمعته، المفروض يرفع سعره او يوسع او يسرّع خدمته

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها