تطلب من موظفك شي وما يسويه، تطلب مرة ثانية وهم ما يسويه، وتبدأ تحس انه كسلان او مو مهتم، وتزعل

بس خلني اقولك شي غيّر نظرتي للموضوع كله

لما موظفك ما يسوي الي تبيه، اغلب المرات المشكلة مو فيه هو، المشكلة في شي ناقص انت ما وفرته له

قبل ما تلوم موظفك، شوف الموضوع على ٣ اسئلة

اول شي، هل اهو يعرف بالضبط شنو تبي؟

مرات نحس اننا وضحنا، بس احنا قلنا الطلب مرة وحدة بسرعة وما كتبناه ولا تابعناه. الموظف ما يقرا افكارك، لازم تكون واضح ومكتوب ومتفق عليه

ثاني شي، هل يعرف شلون يسويه؟

مرات تعطي الموظف مهمة اهو ما يعرف يسويها اصلاً، وانت متوقع انه يعرف. درّبه، وريه شلون، وقوله انت شلون تبيها بالضبط

ثالث شي، هل هو يبي يسويها؟

لو يعرف شنو تبي ويعرف شلون بس ما عنده دافع، بيتكيسل. والدافع ايي لما يفهم ليش المهمة مهمة، ومنو تفيد، وشنو يستفيد هو منها

لو اي وحدة من هالثلاث ناقصة، هذا هو سبب المشكلة، مو ان موظفك سيء

وفي جملة حلوة تقولها لموظفك لما يقصّر، بدل ما تهاجمه

مو من عادتك تفوتك التفاصيل، ساعدني افهم، هل انك ما كنت تدري، ولا ما تعرف شلون، ولا ما كنت تبي تسويها؟

بهالسؤال انت ما تهاجم الشخص، تهاجم المشكلة نفسها، وتخليه يقولك وين الخلل عشان يتصلح

الزبدة

اغلب مشاكل الموظفين مو مشاكل اشخاص، مشاكل نظام، صلّح النظام تصلح النتيجة

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها