في شي بسيط جداً اغلب اصحاب المشاريع يسوونه غلط، ويخسرون بسببه مبيعات كثيرة وهم ما يدرون

العميل لما يرسلك يستفسر عن خدمتك او منتجك، متحمس وجاهز يشتري. وانت مشغول، ترد عليه بعد ساعات، او باجر الصبح

بهذا الوقت، حماسه برد، او لقى واحد ثاني رد عليه اسرع وشرا

سرعة ردك على العميل اهيا بروحها تفرق بين صفقة تكسبها وصفقة تروح

في دراسة من جامعة هارفارد طلعت ان الشركات الي ترد على عميلها خلال اول دقيقة، مبيعاتها تزيد بمعدل يقارب ٤ اضعاف. مو لانهم غيروا منتجهم ولا نزلوا سعرهم، بس لانهم ردوا اسرع

فكر فيها، انت تصرف فلوس واعلانات عشان العميل يوصلك، وبعدين تخليه ينطر ويبرد ويروح؟ اهو وصلك وهذا المطلوب، ناقص بس ترد عليه بسرعة

خلني اعطيك اول خطوة تطبقها من اليوم

اي عميل يستفسر رد عليه بأسرع وقت ممكن، ولو ما تقدر انت، خل احد من فريقك مهمته الوحيدة انه يرد على الاستفسارات فوراً. لان كل دقيقة تأخير، تقل فرصتك انه يشتري

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها