من كثر ما قعدت مع اصحاب مشاريع، بعضهم وصلوا وبعضهم وقفوا بالنص، بديت اشوف الفرق بينهم

والفرق مو الي تتوقعه

مو الاذكى اهو الي نجح، ولا الي عنده فلوس اكثر، ولا الي بدأ بفكرة عبقرية

الي نجحوا، اهم الي بس ما وقفوا

الناس تحسب النجاح لحظة، قرار كبير او فرصة ذهبية. بس الحقيقة ان تراكم، خطوة ورا خطوة، ويوم عادي ورا يوم عادي، سنين من الاستمرار لما الكل حواليك يستسلمون

في لحظات بتحس كل شي عليك، تحس انك ما توصل، وتشوف غيرك سبقك، وتفكر تترك هاللحظات وهذا بالضبط الي يفرق. الي يكمل فيها يوصل، والي يوقف يرجع الى الصفر، ويوقف بنفس المكان مرة ثانية

فلا تستعجل، ولا تقارن بدايتك بنهاية غيرك. كل واحد له وقته، وكل تعب له ثمرة، بس بشرط ما توقف

خليك ماشي، حتى لو بطيء. البطيء الي يكمل، اسرع من السريع الي يترك ويتعب

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها