هذه عاشر نشرة من سلسلة أكبر مشاكل المشاريع

شهر مبيعات عالية وفرحاااان وشهر حزين ومتضايق ومافي بيع

لان العملاء ما اييون صدفه، ولا ناطرين الخدمة الي تقدمها

سلاحك: التسويق عشان توصل لعميلك المثالي

احد المشاريع كان كل عملائه توصيات بمعنى ان عميل ايب عميل وهذا اقوى تسويق لان الكل عاجبه خدمتك ومنتجك ولكن هذا مافيه استدامه للمشروع لان مافي مبيعات ودخل ثابت الي تقدر تغطي فيها التكاليف وتطور وما تقدر اطلع ارباح شهريه عشان تتوسع

ف قلنا له اختار قناة وحده بس بالبداية الي تشغل فيها مكينة تسويقك. ف اختار انستغرام لان عملاءه موجودين اهناك حسب ما اكتشفناه باستراتيجيه التسويق لمشروعه

بعد شهرين بدوا الناس توصل له وتسأل عنه، وجذي يبلش المشروع يوصل للناس اكثر وابعد عشان يحافظ على استمرارية المدخول والمبيعات

خلني اعطيك اول خطوة

اختر قناة وحده بس، الي عملائك موجودين فيها، والتزم تنشر فيها ٣ مرات بالاسبوع لمدة شهر. مو تبيع، بس تعطي قيمة وتوري الناس خبرتك، وبلش شوف الناس شلون توصل لك

هذه بس البداية، اكيد في شغل اكبر من جذي، لان ورا التسويق مبيعات وبعدها خدمة مابعد البيع والسكة طويله بس الهدف من هذه النشره ان ما تنطر العميل، روح اوصل لهم عشان يكبر المشروع وترتاح

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها