الاسبوع الي طاف قلنا ان الثروة الحقيقية مو في راتبك من مشروعك، في قيمته لو بعته

بس شنو الي يخلي مشروع يستاهل الشراء اصلاً؟ شنو الي يشوفه المشتري ويقول هذا مشروع ابي اشتريه؟

بقولك اهم ٤ اشياء، والحلو انها ما ترفع قيمة مشروعك بس، تخليه اقوى واريح لك حتى لو ما نويت تبيع تالي

١- مشروع ما يعتمد عليك انت

لو مشروعك يوقف لما تغيب، محد بيشتريه، لانه بيشتري وظيفتك مو مشروعك. المشروع الي يمشي بدونك اهو الي له قيمة

٢- ارقام واضحة ومنفصلة

المشتري لازم يشوف ارقام حقيقية يثق فيها. لو فلوسك الشخصية مخلوطة بفلوس المشروع، اول شي بخاف منه. رتب ارقامك، وتعرف بالضبط مشروعك جم يطلع

٣- دخل متكرر وثابت

عميل يرجع لك كل شهر اهم من عميل ايي مرة ويروح. الدخل الي تقدر تتوقعه يرفع قيمة مشروعك، لان المشتري يشتري المستقبل مو الماضي

٤- ما يعتمد على عميل واحد

لو نص دخلك من عميل واحد، هذا خطر كبير يخوّف اي مشتري. وزّع دخلك على عملاء اكثر، عشان مشروعك يكون قوي مو معلق على شخص واحد

كل وحدة من هذي تبنيها اليوم، تلقى مشروعك صار اقوى واهدى وقيمته اعلى، بعت او ما بعت

الزبدة

المشروع الي يستاهل الشراء اهو نفسه المشروع الي يستاهل التعب. مو لازم تبيعه، بس لما يكون قابل للبيع، معناته انك بنيته صح

لو تبي تعرف جم يسوى مشروعك ووين تقدر ترفع قيمته، هذا الي نسويه في مُشتري، في حال احتجت استشارة اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها