اكثر المشاريع تحاول تسوي وتدخل في كل شي، واخرها لا تتميز بشي ولا تكمل

العميل ما يتذكر المشاريع الي بتاع كلو لان مافي شي يميزهم، يتذكر المشروع الي مسيطر على شي واحد والكل يسولف عنه

وبصراحة، في بس ٤ اشياء تقدر تتميز فيها وتكسب فيها السوق، اختار وحده وسيطر عليها وبتفوز على ٩٩٪ من منافسينك

١- السرعة

الناس بطبيعتها تحب الي يخلّص لها بسرعة. لو انت الاسرع في تقديم خدمتك او توصيل منتجك، بيختارونك حتى لو في اغلى منك. والسرعة مو دايماً تكلف اكثر، بس تحتاج تنظيم اذكى. امازون ما صارت امازون لان منتجاتها احسن، صارت امازون لانها توصّلك اسرع من الكل

٢- الأمان والثقة

العميل يدفع اكثر عشان يضمن. لو انت الأكثر التزام والي يعطي ضمان يريّح باله، الناس بتختارك حتى لو في ارخص، لان الناس تخاف تغامر، والي يقلل خوفهم يكسبهم

٣- السعر

بس انتبه، السعر الرخيص يكسب بس اذا هذا نموذج مشروعك كله. يعني تقدر تبيع ارخص وانت لا زلت رابح لان تكلفتك اقل، مو انك تبيع بخسارة عشان تنافس، الفرق كبير

٤- السهولة

كون اسهل واحد يتعامل معاه. اقعد اكتب كل شي معقّد او متعِب في تجربة عميلك، وشيله خطوة خطوة. لما تكون الأسهل، الناس تختارك بدون ما تفكر

انت ما تحتاج تكون الافضل في الاربعة، تكفيك وحدة تسيطر عليها. اختار وحدة، وابني كل مشروعك عليها وحولها، وخل السوق يعرفك فيها

في حال احتجت مساعدة واستشارة عشان نحدد الميزة والتركيز، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها