اغلب اصحاب المشاريع لما يحسون ان الشغل ضاغطهم، اول شي يسوونه ان يعينون موظف جديد عشان يخف الحمل
بس مرات الحمل ما يخف، بالعكس يزيد، وانت قاعد تدفع راتب اكثر عشان تتعب اكثر
لان المشكلة مو عدد الموظفين، المشكلة نوعهم
من خبرتنا في اكثر من ٢٧٠ صفقة، شفنا مشاريع تعبانة مو لانها ناقصة موظفين، لان فيها موظف واحد غلط، كل الفريق يلف حوله، يصلّح وراه، وينطر قراره، وصاحب المشروع يخاف يشيله لانه يحسه ضروري
شلون تعرف الموظف الغلط
في فرق بين موظف يشيل عنك، وموظف يشغلك بشغله
الموظف الصح تعطيه هدف ويرجع لك بنتيجة، والموظف الغلط تعطيه هدف ويرجع لك باسئلة وشغل زايد عليك
والاختبار سهل، اسأل نفسك، لو هذا الشخص قدم استقالته باجر، بتحس بخساره، ولا بتحس بارتياح؟
احساسك بالجواب تعرفه من اول شهر
الزبدة
مشروعك ما يكبر بعدد الموظفين، يكبر بنوعهم وجودتهم
اخوك
شرايك بنشرة اليوم ؟ حتى لو ما عجبتك، رايك مهم
مالحقت على كل نشراتنا من البداية ؟ اضغط هنا وشوفهم
اذا تعرف احد بفيده هذا المحتوى، لا تبخل بالفائدة وشاركه هذا الايميل
واذا هذه النشرة واصله من صديق، اشترك مجاناً ليصلك جديدها
