القاتل الصامت للمشاريع

وايد أصحاب مشاريع يركزون على المبيعات والأرباح، بس ينسون أهم عنصر يحدد استمرار مشروعهم: التدفق المالي (Cash Flow)

ممكن يكون عندك مبيعات قوية، وأرباح على الورق… بس إذا ما عندك كاش يغطي مصاريفك ورواتبك والتزاماتك، مشروعك يتعثر وبيوم وليله يصكر وشفتها في مئات المشاريع في رحلتي

الموضوع مو بس أرقام محاسبة، الموضوع إدارة يومية

شلون تدخل الفلوس؟ شلون تطلع؟ شلون ترتب أولويات الدفع؟

النصيحة الي ابيك تسمعها مني والي انا ماكنت اعرفها وتعلمتها بالصعب والخساره

قبل ما تفكر تتوسع وتوظف عدد كبير وادوس اكثر، تأكد انك مضبط ألية التدفق النقدي الكااااش بالمشروع، مضبط الشروط مع الموردين، مضبط الدفعات وطريقة البزنس مودل تبعك مع العملاء مضبط كل شي يساعد يدخل لك كاش بحساب البنك (لا يعني ارباح) عشان تقدر تتنفس وتتحرك. ماتبي بس ارباح وارقام حلوه على ورق، تبي كاش حقيقي بالحساب عشان تستمر الشركة

ولو بعطيك مثال، الكاش مثل البانزين بالسياره، مو مهم السياره سريعه وقويه اذا مافيها بانزين عشان تشتغل وتسابق !!! البانزين مثل الكاش بحساب البنك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها