هذه النشرة مو عن البزنس

بس بنص زحمة الشغل والطموح، في كلام حبيت اشاركك فيه

من كثر ما شفت اصحاب مشاريع، تعلمت ان الفشل مو عكس النجاح، الفشل جزء منه

كل واحد وصل، وراه قرارات غلط، وخسائر، ومشاريع ما نجحت، وليالي ندم فيها على شي سواه

الفرق ان الناجح ما وقف عند فشله، اخذ منه الدرس وكمل

نحسب الفشل نهاية، بس الحقيقة انه اغلى مدرسة بتمر فيها. الدروس الي تعلمتها من خسايري، ما كان ممكن اتعلمها من نجاحاتي

فلا تخاف تغلط، ولا تخاف تجرب وتفشل. الي ما يغلط، اهو الي ما يسوي شي

الغلط الوحيد الي ما له عذر، انك تفشل بنفس الغلط مرتين، او انك تخاف من الفشل لدرجة انك ما تبدأ اصلاً

كل خساره مريت فيها، لو اخذت درسها، اهي استثمار مو خساره

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها