لما صاحب مشروع يقوله العميل سعركم غالي، يسوي وحدة من الغلطتين، اما ينزل سعره على طول، او يقعد يدافع ويعدد مميزاته

والثنتين يخسرونك

لان لما تنزل سعرك، تقلل قيمتك بعين العميل، ولما تدافع، تحس انك تتوسل

في طريقه حلوه

اول شي لازم تفهم، ان غالي مو دايماً معناه سعرك مرتفع، غالي معناها العميل يقارن سعرك بالشي الغلط

فبدال ما تنزل السعر، غيّر الشي الي يقارن فيه

لو خدمتك بـ ٣٠٠ دينار وقالك غالي، لا تدافع عن الـ٣٠٠، قسمها له. قوله هذي اقل من دينار باليوم

فجأة الرقم يصير صغير، لان الناس تقيس المبلغ اليومي على قهوتهم وغداهم، بس تقيس المبلغ الكبير على ايجارهم وسيارتهم. انت تبيه يقارن خدمتك بكوب قهوة، مو بمصاريفه الكبيرة

وفي دراسة من هارفارد اثبتت ان الناس تشتري اكثر بمراحل لما يكون السعر مقسّم على مبلغ يومي صغير، مقارنة بنفس المبلغ دفعة وحدة

وبعدها اختم معاه، تحس كوب قهوة اهم لك من انك تحل مشكلتك؟

بس هذه الطريقة تستخدمها بعد ما يناشبك على السعر مو من البداية واذا خدمتك فعلاً تسوى، لان الهدف انك توري العميل قيمتك الحقيقية مو انك تلعب عليه

الزبدة

العميل ما يرفض سعرك، يرفض القيمة الي شافها

غيّر الشي الي يقارن فيه، ويتغير قراره

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها