اكثر شي يتعب اصحاب المشاريع

تدري شنو أكثر شي يتعب المبادرين وأصحاب المشاريع؟

كل يوم تييهم فرص، أفكار، شراكات، اقتراحات

ولان اهم اشخاص مستعدين يجربون ويخذون المخاطر عشان ينجحون .. ف مايقولون لا

اكيد سامع هذا الشي وانا بعيده لك واكد عليه

اللي يبي ينجح، لازم يتعلم يقول لا

ولله الحمد شفت الالف من اصحاب المشاريع والاغلب تلاقي عنده مطعم، ومصبغه، وتطبيق، ومحل والف مشروع فوق بعض واهو بالاساس ما نجح بواحد عشان يسوي الثاني اهو بس قاعد يسوي مشاريع ولا في تركيز حق اي مشروع

دايماً كنا نسمعها وماراح نحس فيها الا لما نجرب .. راعي البالين جذاب

الفرص ما تخلص، بس تركيزك يخلص

حتى أنا مريت بنفس التجربة

كنت أتحمس لأي مشروع فيه فكرة جديدة واعطيها وقت، بالاحرى اضيع وقت 

بعدين اكتشف السر .. قمت اسأل واصارح نفسي، سؤالين تحتاج تسألهم نفسك

١- انا بشنو قوي ومبدع ومميز ؟

٢- شلون اقدر اطلع فلوس وانجح في الي انا قوي فيه من الي عندي واملكة حالياً ؟

بعدها عرفت اشوف الدرب واضح واكون سالك درب النجاح بإذن الله

تذكر ان

صحيح، لازم تطق الابواب لي ما تشوف يفتح لك باب واحد، تركز فيه عشان تكون مبدع ومميز

الفرص كثيره… بس الوقت واحد فـ لا تضيعه وتضيع الفرص كلها منك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها