من خلال السنوات اللي اشتغلت فيها في بيع وشراء المشاريع، لاحظت شيء مهم

وايد ناس عندهم الرغبة إنهم يشترون مشروع، لكن ما يعرفون من وين يبدون

شلون أقيّم المشروع؟

هل السعر عادل؟

شنو الأشياء اللي لازم أطلبها من البائع؟

شلون أتفاوض؟

ومتى أقول لا للصفقة؟

والأهم.. شلون أتعلم من شخص سبقني واشترى مشروع؟

من هني بدأت فكرة واصــل

مجتمع خاص للمهتمين بشراء واستحواذ المشاريع، سواء كانت أول تجربة لهم أو عندهم تجربة سابقة ويبون يتعلمون أكثر

الفكرة مو ان نعطيك كتاب وتقرأه

الفكرة إنك تكون بين ناس عندهم نفس الاهتمام

ناس اشتروا مشاريع من قبل، وناس قاعدين يدورون على أول مشروع لهم، وناس عندهم خبرة في التقييم والتفاوض والاستحواذ

بنتناقش عن الفرص

بنتعلم من التجارب

بنتشارك الأخطاء قبل لا نكررها

وبنسوي لقاءات ودورات وجلسات نتعلم فيها من بعض

وطبعاً، بنشارك داخل المجتمع فرص حصرية لشراء المشاريع

هدفي من واصل إن أي شخص يفكر يشتري مشروع ما يحس إنه بروحه في هالرحلة

يمكن ما نقدر نضمن لك إنك تشتري المشروع الصح

لكن نقدر نخليك تدخل الصفقة وأنت أكثر معرفة، وأكثر استعداد، ومعك ناس تقدر ترجع لهم

إذا كنت تفكر تشتري مشروع، سواء أول مرة أو شاري ومستحوذ من قبل

حياك في واصل

الانضمام مجاني

💜واصــل.. خلك على تواصــل

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها