وايد أصحاب مشاريع يقضون وقت يحاولون يصلحون نقاط ضعفهم، يصرفون على تدريبات ودورات وجلسات، مو غلط اكيد بس بدال ما بدال ما يراهنون ويركضون على اللي اقوى شي فيهم، يروحون حق اضعف شي فيهم

وهذا من أكثر الأخطاء اللي تكلف المشروع وقت وفلوس بدون ما صاحبها يحس

شلون تعرف وين قوتك الحقيقية؟

أول شي: شوف من وين قاعد تييب نتائج افضل وشنو قاعد تسوي عشان تحققها

ثاني شي: اسأل عملائك ليش اختاروك بالتحديد، جوابهم يقولك انت بشنو قوي ومميز

ثالث شي: شوف وين منافسيك ما يقدرون يقلدونك فيه، هذا يعطيك مصدر قوتك

لما تعرف هذه الإجابات، ركّز عليها بدال ما تصلح كل شي

الزبدة

المشروع الناجح مو اللي ما عنده نقاط ضعف

الناجح اهو الي يراهن وسخر كل طاقته وتركيزه على نقاط قوته ويستغل هذه النعمة واكيد شوي شوي مع الوقت يطور من نقاط ضعفه

ما خاب من سأل واستشار، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها