كنت اتمنى احد يقولي هذا الشي قبل ما افتح مشروعي

لما فتحت أول مشروع بحياتي “المطعم”، كنت مؤمن إن التعب يكافأ بسرعة وإن النجاح ايي طالما أنا أشتغل من قلبي

بس اكتشفت بعدين إن مو كل تعب يثمر وفي فرق بين إنك تشتغل وانك تبني

كنت أظن الحل إن اشتغل اكثر وبساعات طويلة وسهر تالي الليالي ولكن الحل الحقيقي اهو … الوضوح والتركيز

وضوح ليش قاعد تشتغل

وشنو النتيجة اللي تبي توصلها

وشلون تقيس تقدمك كل أسبوع

لأن بدون وضوح، المشروع يتحول لماراثون ما له خط نهاية

وتخيل كل هذا الوضوح في خدمة او منتج واحد !!!! بتشوف نتائج خيالية

كنت أتمنى أحد يقول لي وقتها

متأكد ان كلنا سمعناها في الميديا وبودكاستات والاستشارات ولكن مانحس بقيمتها ونظن ان كثرة الخدمات والمنتجات والتعب، اهيا الي بتجيب النجاح والخير

ولكن من يوم فهمت هالنقطة، تغير كل شي

صرت أشتغل بنفس الجهد، بس النتائج تضاعفت

صار في راحة وطمأنينة، لأن كل خطوة محسوبة، وكل تعب له اتجاة، ما احس اني ضايع

خلك واضح ومركز، وخل التعب يكون له معنى

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها