وايد أصحاب مشاريع يخسرون ناس كفء مو لأن الراتب قليل، بس لأنهم ما يحسون إنهم يقدرون يكبرون بالمكان الي اهم فيه

والدراسات تقول إن أول سبب يخلي الموظف يمشي هو إحساسه إن ما في مستقبل، مو الراتب

وهذه فرصة لك، لأن الشعور بالنمو ما يكلف فلوس، يكلف اهتمام

٣ أشياء تسويها من باجر

أول شي: عطه مسؤولية أكبر

مو مهام إضافية، مسؤولية حقيقية تخليه يحس إن ماسك شي كبير

ثاني شي: قوله وين يقدر يوصل معاك

وايد موظفين يمشون لأنهم ما يشوفون طريج واضح، لما تقوله "أنت ممكن تكون مدير هذا القسم بعد سنة" تفرق معاه

ثالث شي: اذكره جدام باقي الفريق

الاعتراف العلني أقوى من انك تزيده بدون مايحس بأهمية وجودة بالفريق والتطوير

الزبدة

الموظف الكفء ما يدور راتب أكثر بس، يدور بيئة واحساس ومسؤلية يبني عليهم احلامه ومستقبله، وهذا بيدك أنت مو بيد الميزانية

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها