ادري مرات يصير فيك انك تشوف موظفين، واحد يطلب ٢٠٠ دينار والثاني ٣٥٠، فتاخذ الأرخص عشان توفر على نفسك، وبعد شهر شهرين تلاقي إنك قاعد تصحح غلطاته، تعيد شغله ووقتك كله ضايع عليه

بالاحرى انت لو تسوي شغله بكون افضل واسرع لك

الدرس الي تعلمته

اول شي

ما افكر بقيمة الراتب كثر ما افكر في تدريب والوقت والطاقه الي بحطها مع هذا الموظف، ف هل انا مستعد اضحي بوقتي وطاقتي مقابل التوفير الي بسويه بالراتب ؟

ثاني شي

الموظف الجيد يشتغل بدون ما تكون ورا ظهره، يخلص المهام كاملة، ماتبي واحد يشغلك بشغله الي انت دافع عليه راتب شهري ويستحقه

ثالث شي

لو ما تقدر تدفع الراتب اللي يستاهله الموظف الصح، وظف أقل وادفع زين، موظف جيد بروحه أحسن من موظفين ضعاف مع بعض ويضعفونك معاهم

ملاحظة

طبعاً كل وظيفه ومسؤلياتها مختلفه، في وظايف بس احتاج فيها انسان يحرك ايده لا ابيه يفكر ولا ابيه يخترع شي. وفي وظايف ابي فيها المخ والعقل قبل كل شي، وفي وظايف احتاج فيها الخبره وصاحب قرار. ف في وظايف راح اوفر بالراتب وفي وظايف راح اضحي بالتوفير واستفيد من القيمة والخبره

الزبدة

ما تبني مشروع بكثرة الموظفين، تبنيه بجودتهم، والموظف اللي يكلفك أكثر بالراتب يوفر عليك في الوقت والأخطاء والطاقة، أما الرخيص تدفعه مرتين، مره من جيبك ومره من وقتك

ما خاب من سأل واستشار، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها