لما الارقام تقول "وقف" واحساسك يقول كمل

وايد مرات الأرقام تخوفك

المبيعات نزلت، التفاعل قل، الأرباح ضعفت

والعقل يقولك يمكن خلاص؟ يمكن هذا آخرها؟

بس مرات، بين كل هذه اللويه تحس بشي داخلك يقولك: لا توقف

يمكن لأنك شايف شي الناس ما تشوفه

يمكن لأنك عارف إن هذه الرحلة مو نهاية، اهي مجرد وقت انك تبني

شخصيًا مريت بهذه المرحلة أكثر من مره … متعبة

الأرقام كانت تقول فشل

بس الرؤية كانت تقول بداية

الأرقام مهمة، بس مو دايم تشرح الصورة كلها، واللي يعرف يقرا ما وراء الأرقام يفهم إن بعض الخساير مؤقتة وبعض الأرباح تأخذ وقت لين ماتشوفها

الي تعلمته بختصار

الرقم يقول وينك اليوم، بس الإحساس يقول وين رايح باجر

فإذا كانت أرقامك مو زينة، بس داخلك مطمّن … كمل

يمكن مو وقت الحصاد، بس أكيد وقت الزراعة

🎯 خطوة عملية بسيطة

قبل لا تحكم على مشروعك، جرّب تسوي هالثلاث خطوات

١- راجع الاتجاه، مو النتائج

اسأل نفسك: هل اللي قاعد أسويه اليوم يخدمني بعد سنة؟ إذا الجواب “ايي” … كمل

٢- عدل تفاصيل صغير

مو شرط تغيّر الخطة كلها، مرات تعديل بسيط في منتج أو تسعير أو تواصل يغيّر النتايج

٣- قيم مشاعرك، مو بس أرقامك

إذا بعد كل هذا التعب تحس براحة داخلية، فـ ان شاء الله أنت بالطريج الصح

الأرقام سهل انها تتحسن بس أهم شي انت لا تفقد الإيمان بالرحلة واستمتع فيها

الاسبوع القادم، راح اقولك حسب تجربتي شلون تعرف متى الوقت المناسب الي توقف او تكمل بمشروعك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها