مابي اطولها عليك

مشكلتنا ان نبي نبيع للكل وان نبي الكل يشتري منا

سؤال؟ هل البشر تتشابه ؟ هل الاطباع والاذواق تتشابه ؟ هل انت واهلك تحبون وتشترون نفس الشي؟

المشكله مو في ميزانيتك ولا في المنصة ولا في الموظفين، المشكلة في تسويقك

عبدالله هل تقصد بالتسويق يعني اعلانات ؟ لا الف لا

التسويق اهيا المظله، اهيا الي تمثل الصوت والصوره والشكل والاسم والهيئة الي تبي الناس تعرفك عليها، بالضبط قيسها على شلون نعرف البشر بأساميهم واشكالهم واطباعهم

المشكله ان نكتب الاعلان ووصف المنتج للكل، ولا كأن البشر مختلفين في جنسهم، اعمارهم، قبائلهم، اهتماماتهم، و و و و و و

خلني أعطيك مثال بسيط

لو عندك كريم للبشرة وتبي تبيعه، صحيح كل البشر عندهم بشره ومحد يرضى بشرته تكون تعبانه بس لكل جنس وعمر له اهتماماته، على سبيل المثال

نساء فوق ٤٥ سنه يبون شي حق التجاعيد والشد

شباب بين ٢٠-٣٠ سنه يبون كريم لحب الشباب

رجال فوق ال ٤٥ سنه ما يذكر ان لازم يحط كريم واذا بيشتري، زوجته اهي الي بتاخذ القرار

ف هل اللغه والكلام والوصف الي ببيع فيه المنتج نفسه مشابه لكل الشخصيات الي ذكرتهم ؟

هذيل ثلاثة أشخاص مختلفين كلياً، ومشكلتهم مختلفة، ومو المفروض تكتب رسالة وحدة للثلاثة

الرسالة اللي تحاول تناسب الكل ما تناسب أحد

شلون تصلح هذا؟

أول شي: اعرف منو العميل الأكثر ربحاً، مو الأكثر عدداً، الأكثر ربحاً

ثاني شي: اكتب رسالة وحدة تكلمه اهو بالتحديد، بمشكلته، بلغته بلهجته، بالشي اللي يخليه يقوم الصبح يفكر فيه

ثالث شي: اجرب هذه الرسالة قبل ما اصرف عليها. اجرب بوست، فيديو، حتى لو رسالة واتساب شوف إذا الناس تتفاعل قبل ما تصرف فلوس

الزبدة

المشروع اللي يتكلم مع شخص واحد ومركز معاه، يفوز

المشروع الي بكون بتاع كلو ويكلم الكل، بكون مسأله وقت ويسكر او بعاني طول عمره

ما خاب من سأل واستشار، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها