قبل لا توقع عقد الايجار .. تأكد

وايد مبادرين يفتحون مشروعهم، وأول خطوة يسوونها؟

من يحصلون موقع ، يركضون يوقّعون عقد الايجار

بس تعرف إن أكثر الخسارات الثقيلة تيي من هذه الخطوة؟

الايجار تكلفة ثابته شهريه ماتقدر توفر فيها ولا تقللها واذا بتفسخ العقد بكون مكلف واذا بتخّلي المحل بكون مكلف اكثر واكثر فـ ضروري تجاوب على هذه الاسئلة قبل ما توقع العقد

١- هل الموقع فعلاً يخدم عميلك المثالي؟

ضروري ترجع حق النشرات الي قبل لان تكلمت عن العميل المثالي وااايد نشرات وبكل الدورات الي اقدمها

لازم نعرف ان مو أي موقع زحمة يعني مناسب. يمكن الناس اللي تمر ما تهتم بمنتجك ولاهم عملاءك المثاليين

٢- هل الإيرادات تغطي الإيجار والمصاريف الثابتة؟

لا تتحمس وتشوف المكان حلو وتقول بنغطي سوي حساباتك… الإيجار لازم يكون نسبة منطقية من المبيعات المتوقعة

٣- شنو خطتك لو ما مشى المشروع؟

هل تقدر تتخارج؟ هل في بند يضمن لك مرونة بالخروج أو التنازل؟

وايد ناس ينصدمون إنهم مربوطين بعقد سنوات… حتى لو المشروع مات

الخلاصة

الموقع مو كل شي

فكّر، خطط، وخل الإيجار يخدمك… مو يدمرك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها