تقعد تفكر شنو تنشر، تقضي وقت تحاول تطلع أفكار محتوى، وبعدين ما تنشر لأنك ما لقيت شي "كافي زين"، بس بنفس الوقت طول اليوم تصير عندك أشياء وايد أحسن من أي فكرة تفكر فيها، مكالمة مع عميل حليت فيها مشكلة، سؤال انطرح في الاجتماع، لحظة كسب أو خسارة، كل هذا محتوى وانت ما تدري

مشروعك كل يوم يولّد محتوى بروحه، المشكلة إنك ما تصوّره

العلاج السريع

أول شي خصص شخص أو تلفونك يصوّر لحظة وحدة كل يوم من شغلك الطبيعي، مكالمة، تسليم، مشكلة انحلت، أي شي حقيقي

ثاني شي ما تحتاج تنتج محتوى من الصفر، سجّل شرح بسيط لشي تسويه يومياً بالشغل، الناس تبي تشوف شلون تفكر مو بس شنو تبيع

ثالث شي بعد كل مكالمة أو تسليم اسأل نفسك سؤال واحد: "فيه شي صار اليوم يستاهل اشاركه؟" اللي تعتبره عادي، غيرك يعتبره ذهب

الزبدة المحتوى مو شي تخترعه من فراغ، هو شي يصير عندك كل يوم وانت مو شايفه، اللي يصوّر شغله يبني ثقة قبل ما يبيع، واللي ينطر الفكرة المثالية يفوته كل يوم ذهب

ما خاب من سأل واستشار، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها