ليش بعض المشاريع تنباع بـ ٣ أضعاف وبعضها بـ ٨ أضعاف؟
وايد أصحاب مشاريع يظنون إن السعر يعتمد على حجم الأرباح وهذا جزء من الصورة بس مو كلها
خل أقولك شي مهم…. سعر المشروع مو مكافأة على تعبك واجتهادك، سعر المشروع تسعير للمخاطر
مشروعين بنفس القطاع ونفس الدخل تقريبًا
واحد ينباع ٣× الأرباح والثاني ٨× أو أكثر
شنو الفرق؟
١- الدخل متكرر أو يتذبب؟
٢- يعتمد عليك شخصيًا أو يمشي بدونك؟
٣- الارقام واضحة أو عشوائية؟
٤- عنده تركيز واضح أو مشتت؟
المشتري يدفع أكثر لما يحس بالأمان ولما يشوف إن المستقبل متوقع
إذا يقدر يتوقع أرباحك بعد سنتين، راح يدفع أعلى
إذا يحس كل شي مربوط بشخصك، راح ينزل السعر
الخلاصة
مو بس كبر أرباحك … قلل المخاطر
المضاعف يزيد لما الثقة تزيد
وفكر بعقلية مستثمر حتى لو ما ناوي تبيع
اتمنى لك كل التوفيق والنجاح يارب
اخوك
شرايك بنشرة اليوم ؟
اذا مالحقت على كل نشراتنا من البداية، اضغط هنا وشوفهم
واذا تعرف احد بفيده هذا المحتوى لا تبخل عليه بالفائدة وشاركه بهذا الايميل
واذا هذه النشرة واصلتك من صديق، اشترك الان مجاناً ليصلك جديدها
