هل تحتاج شريك تقني ؟

اول شي خل نعرف شنو يعني شريك تقني، بالانجليزي يسمونه

CTO يعني Chief Technology Officer

وبالعربي اهو الشخص المسؤول عن كل شي تقني بالمشروع النظام، التطبيق، الموقع، الكود، والتطوير المستقبلي فـ هذا شخص يبني عصب المشروع التقني

رداً للسؤال هل كل مشروع يحتاج شريك تقني؟

لا مو كل مشروع يحتاج شريك تقني

إذا مشروعك متجر الكتروني، تبيع منتجات اونلاين، شغلك بسيط ويعتمد على البيع اكثر من التقنيه كمنتجات وخدمات وغيره

ماتحتاج شريك تقني، تحتاج منصة جاهزه الغرض منها تعرض فيها منتجاتك وخدماتك وبوابة دفعت، ويا كثر هذه المنصات الي تساعدك وما اطول في تأسيس صفحتك وموقعك، مثل

Shopify / ZID / Salla وغيرهم من منصات محليه وعالمية

بهذه الحاله التقنية أداة مساعدة مو اساس المشروع فما له داعي تعقّد الأمور وادخل معاك شريك وتعطيه اسهم وحصه من الشركة

متى ضروري يكون عندك شريك تقني؟

اذا مشروعك عبارة عن خدمة وتحتاج ترسم وتضبط رحلة العميل بالكامل معانته في تفاصيل تحتاج تفصلها، او اذا مشروعك شغل اشتراكات او مشروعك خدمة مالية او غيره من افكار الي تحتاج شغل خاص ويكون اهو اساس المشروع والعمود الفقري

اهني نقول ان التقنيه اهيا المشروع، ف ضروري جدا يكون معاك شريك من الاساس عشان يكون فاهم طريقة البناء وكتابة الكودات

ابيك تتخيل انك قاعد تبني بيت، وكل شهر ايي مقاول جديد ومختلف عن الاساسي يكمل شغل البيت … النتيجة ان الشغل بيتعطل وبصير الشغل وايد خطر وبكلفك مبالغ كبيره للتعديل والتنسيق لان كل واحد يكتب ويبني بطريقة مختلفه عن الاخر

ف مهم من الاساس يكون معاك شريك تقني فاهم وباني السستم معاك من الصفر

شنو الحلول؟ في خيارين

يا شريك تقني، شخص ملتزم معاك فاهم التقنية ويكبر المشروع معاك ف تحتاح تعطيه حصة من الشركة عشان يكون في ولاء وانتماء ويكبر معاك

او توظف شركة تقنية تنفذ لك الشغل، بس ابيك تكون حذر وتركز بهذه النصيحة

لا تروح حق شركة خارج دولتك على اساس ارخص … ارجوووك

ولا تروح حق شركة واهيا بالاساس فري لانس شخص واحد يسوي الشغل ويحط لك القمر بيد والشمس بيد

تبي شركة تاخذ دور الشريك ويكون بينكم عقد قانوني، تبيهم يكونون معاك دايماً بكل صغيره وكبيره لان راح تحتاجهم ٢٤ ساعه للتأسيس والتطوير والتعديل والمهم ان تقدر تفسخ العقد اي وقت مع شرط ان يسلمون لك التقنيه والبرمجة والكودات من غير اي رسوم او شروط وان ما يحق لهم يسون مشروع منافس لمشروعك وخدمتك

شركة محلية وماسكة شغل مشاريع كثيرة وفاهمه السوق الي احنا فيه Websight مثل هذه الشركات

هذا حسابهم، اضغط هنا

الزبدة

إذا التقنية قلب واساس مشروعك ف ارجوك لا تستهين بهذه النصيحة الي كلفتنا الكثير عشان نتعلمها

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها