شنو تسوي لو وقف دخلك فجأة؟

يمكن السؤال يخوف… بس لازم تفكر فيه

تخيل اليوم وظيفتك توقفت، أو مشروعك تعطل، أو استثمارك خسر قيمته… شنو بتسوي؟

الواقع ان الاعتماد على مصدر دخل واحد خطير حتى لو تحسن ان امن، لان مافي انسان مايبي دخل اكثر ومجرد وجود دخل واحد يحط لك سقف ف عشان توفر اكثر بالشهر راح تحتاج تقلل تكاليفك وتقلل من الرفاهيه او…. تسوي دخل جديد عشان تكمل على مستوى المعيشي الي فيه ويكون عندك وفره مالية اكبر

صراحتاً ما احب اتكلم وكأن الحياة وردية وان الامور في هذه البساطة بس هذا واقع

شنو الحل يا عبدالله؟

١- ابنِ مهارة: تعلّم شي تقدر تبيعه بأي وقت (مبيعات، تسويق، إدارة)

٢- مشروع جانبي: حتى لو صغير، يعطيك أمان إضافي

٣- احتياطي مالي: وفر مبلغ يغطي مصاريفك ٣–٦ شهور

٤- شبكة علاقات: أحيانًا علاقة وحدة تفتح لك باب رزق وقت الشدة

أذكر واحد من اعضاء مجتمع مُشتري كان موظف ومرتاح وعليه بالف عافيه، قرر ينضم للمجتمع وقام يحضر الملتقيات وتعرف على وايد رواد اعمال ومبادرين، قرروا يتشاركون ويسون لهم مشروع فـ بلش يستثمر شوي شوي لما الحين ما شاء الله صار عنده دخل ثاني … من غير اي سابق انذار، تم انهاء خدماته من شركة خاصه!!! قام يحمد الله ويشكره على ان بلش خذه خطوه وتعرف على علاقات جديدة ساعدته ان يفتح باب جديد له الي من خلالها استثمر وسوه مشروع صغير واهو على راس علمه والحين ماشاء الله عليه مجابل المشروع ليل ونهار وقاعد يكبر فيه ويقول الف خيره على انهم انهوا خدامتي

الخلاصة

الأمان مو بالحظ… الأمان إنك تكون جاهز … اسعى فيها

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها