كل عام وانت بألف خير يارب وان شاء الله سنة خير وصحة وعافيه عليك وعلى احبابك

في شي وايد مهم تسويه في بداية السنة

اكثر شي تحتاجة الحين مو فكرة جديدة ولا تعاون جديدة، تحتاح تركييييييييييز

سو الي بقولك عليه وبأذن الله بفيدك

تلفون صامت وبعيد، مافي جدامك لا لابتوب و ولا بني ادم

انت مع نفسك و بيدك و،رقه وقلم

اكتب كل شي في بالك

افكار مشاريع - فرص - التزامات - اشياء بخاطرك تسويها وكل شي يدور في راسك

طلع كل الي في راسك وحطه بالورقه

بعدها بلش اشطب

١- اي شي ما يناسبك ومتعبك

٢- اي شي مافيه دخل زين

٣- اي شي مشتتك

٤- اي شي مايخدم خطتك وطموحك

لا تجامل نفسك

وبعدها اختار شي وحد بس، شي وااااحد ان كان مشروع، خدمة، هدف، مسار

شي واحد تقدر تركز عليه وتعطيه وقتك، تفكيرك، وطاقتك

لا تضيف شي ثاني

وطبيعي بتيي افكار وايد حزتها، لازم تتعلم ترفض ولا تقول حق نفسك يلا خل بس اجرب

لا تجرب شي خارج تركيزك والي كتبناه على ورق، عط نفسك فرصة تركز وتستغل نعمة ربنا وتستغل كامل قواك العقليه وتركز بشي واحد تبدع فيه

تذكر ان النجاح مو بكثر الشغل والدق وبكثرة المشاريع، النجاح بقوة التركيز الي تقدر من وراه تحقق امنياتك وطموحك

الخلاصة

اذا صج تبي هذه السنة مختلفة، جرب تركز اكثر، لا تحاول تسوي كل شي مع بعض

سو شي واحد صح بأستمرار، وعد وقتها بتشوف النجاح الحقيقي

كل عام وانت بالف خير يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها