حتى لو مو ناوي تبيع .. ركز معاي

وايد أصحاب مشاريع يقولون: أنا مو ناوي أبيع الحين

تمام. بس اسأل نفسك هذا السؤال

لو يالك عرض فجأة… مشروعك جاهز؟

مو من ناحية السعر … اقصد من ناحية الجاهزية ؟ جاهزية التخارج مو بيع

وايد ناس يربطون كلمة جاهز للبيع بإنك تبي تبيع …. وهذا غلط

الجاهزية معناها إن مشروعك مرتب وواضح وقابل للاستلام حتى لو ما بعت

العجيب ان المشاريع الجاهزة للبيع غالبًا تنجح أكثر حتى لو ما باعت، بقولك ليش كمل وبتعرف

ما نتكلم عن شي خيالي. ولا إعادة بناء كاملة.

نتكلم عن أشياء بسيطة لكن تأثر

١- ارقامك واضحة وتشرح نفسها، الموضوع مو بس في ارباح

تفصيل دخل، مصاريف، وهوامش التكلفة والربح

٢- التشغيل مو كله عليك

مو لازم تختفي بس لو غبت جم اسبوع، المشروع ما يطيح

٣- المشاكل واضحة قبل لا أحد يسألك

تعرف نقاط ضعفك وتكون مجهز لها رد وخطة

لأنك لما تشتغل بعقلية جاهزية التخارج

١- قراراتك تصير أوضح

٢- الهدر والمشاكل توضح اكثر وتقدر تحلها اسرع

٣- تركيزك يتحسن

٤- قيمة مشروعك تزيد

سواء بعت أو كملت أو دخلت شريك أنت المستفيد

الخلاصة

جاهزية التخارج مو نهاية الطريق

أحياناً هي أفضل طريقة تمشي فيها المشروع من الأساس

رتّب مشروعك وكأنه مو لك وشوف شلون يتغيّر كل شي

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها