الكل يتكلم ويتساءل عن نفس الموضوع

هل هذا وقت نبيع المشروع؟
هل نشتري؟
ولا الأفضل ننتظر؟

الجواب مو واحد للجميع

لكن في جم نقطة لازم تفكر فيها بهدوء

أول شي، هذه الفترات والأزمات تغير نفسية السوق

بعض أصحاب المشاريع يصير عندهم استعداد أكبر للبيع، خصوصًا إذا كانوا يفكرون بالتخارج من قبل

مو لأن المشروع صار سيء لكن لأنهم يفضلون سيولة أو تقليل المخاطر

واهني تبدأ تطلع فرص جميلة للمشترين

مشاريع كانت قبل أشهر ترفض البيع أو تطلب تقييمات عالية جدًا، اليوم أصحابها ممكن يكونون أكثر مرونة

لكن من جهة ثانية، مو كل صاحب مشروع لازم يبيع

السؤال الحقيقي

هل مشروعك قاعد يعطي كاش فلو صحي؟

بمعنى هل المشروع يقدر يستمر بدون ضخ كاش زيادة حتى لو الإيرادات نزلت ٢٠٪ يقدر؟

اذا ايي، فغالباً عندك وقت، وقت تتكيف وتعدل استراتيجيتك وتكمل

أما إذا المشروع يعتمد على نمو مستمر عشان يعيش أو يحتاج ضخ كاش كبير عشان يستمر، ف اهني تفكر بالتخارج والبيع وهذه المرحلة والقرار ما يصير أطول فيه وايد، تحتاج قرار سريع لان كل يوم في دينار قاعد ينصرف ويحترق

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها