ادري مرات يصير فيك انك تعبت تخدم عميل، تسوي له كل شي، وبعدها ما يدفع بوقته، يطلب تعديلات مو منطقية، يشكي على كل شي، وبنهاية الشهر تحسب وتلاقي إن هذا العميل أكل وقت فريقك كله وربحك من وراه ضعيف، بس ما رفضته لأنك حسبت إن تبي تبيع وتبي فلوس ومبيعات

مو كل عميل يستاهل تقبله وتخدمه، والعميل الغلط يكلفك فلوس وطاقه وسمعه

وايد مهم

أول شي حدد ٣ علامات تخليك ترفض أي عميل: يفاوض وايد على السعر، يطلب وبعدين مايدفع، يدفع متأخر، يطلب تعديلات وايد وكله يتذمر وغيره، اذا مر عليك واحد من العلامات الي انت حاطهم لا تقبله

ثاني شي ارفع سعرك، العميل الغلط دايماً يدور الأرخص، والسعر العالي يفلتر بروحه العملاء اللي ما تبيهم من البداية. بس هذا كله يتعمد على نموذج عملك وفكرت مشروعك ف لا تطبقها على طول

الزبدة مشروعك ما يكبر بكثرة العملاء، يكبر بجودتهم

العميل الغلط ياكل وقتك وطاقتك وفريقك وبعدين يمشي، واللي ينتقي عملاؤه يبني مشروع اربح واريح

ما خاب من سأل واستشار، اضغط هنا

اخوك

شرايك بنشرة اليوم ؟ حتى لو ما عجبتك، رايك مهم

مالحقت على كل نشراتنا من البداية ؟ اضغط هنا وشوفهم

اذا تعرف احد بفيده هذا المحتوى، لا تبخل بالفائدة وشاركه هذا الايميل

واذا هذه النشرة واصله من صديق، اشترك مجاناً ليصلك جديدها