قبل لا تدخل سنة جديدة، بقولك شي من القلب

إذا مشروعك مو ماشي، إذا قاعد تتعب بدون نتيجة، إذا كل شهر تقول يمكن الشهر القادم تتحسن الارقام

وأنت عارف داخلك إن الوضع غلط ف لا تدخل سنة جديدة بنفس الشي

السنة الجديدة مو فرصة انك تتحمّس، اهيا فرصة انك تتجرأ وتتعلم من الاخطاء وتصحح دربك ومسارك

بمعنى

١- توقف نزيف

٢- توقف شغل ما له مستقبل

٣- توقف شراكات متعبة

٤- توقف اعذار

٥- توقف ترقيع

قبل ماندخل ٢٠٢٦، يمديك تنظف

مو لازم تسوي إنجازات، مو لازم تكبّر، ولا لازم تعلن بداية جديدة

بس لازم تسوي شي واحد مهم

نظّف

١- مشروع قاعد ياكل وقتك بدون عائد

٢- خدمة ما تضيف قيمة

٣- تكاليف قاعده تكسر ظهرك

٤- قرار مأجل لأنك خايف

أغلبنا يعرف شنو لازم يسوي، بس ما يسويه لأن القرار صعب

بس القرار الصعب اليوم أرحم من سنين ضايعة

لا تكمل نفس الشي وأنت متوقع نتيجة مختلفة

المهم

ركز على الشي الي انت قويه فيه، والي تقدر تستغله اليوم واتطلع منه خير كبير يسرك ويريحك

ابتدي السنة بطاقة وهدف واضح وتركيز كبير … نصيحة من القلب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها