اسمع وايد من اصحاب مشاريع يقولون ان مشروعي شغّال والزبون موجود وفي مبيعات بس ليش المشروع مو قاعد يكبر؟ ليش واقف عند نفس الارقام؟

مو لان السوق صعب ولا لان المنتج مو زين والمشكلة غالبًا مو بالمجهود

المشكلة بختصار إن المشروع مو واضح وقاعد يتعقد، وكل ما عقدته تفقد التركيز

شنو أقصد؟

١- المشروع يعتمد على صاحبَه بكل شي
هو اللي يبيع وهو اللي يتخذ القرار وهو اللي يحل المشاكل ف طبيعي يكبر لحد طاقتك… وبس

٢- ماكو تركيز
خدمات وايد أفكار وايد تجارب بكل اتجاه بس ولا شي قاعد ياخذ حقه كامل

٣- ما تعرف شنو اللي قاعد يطلع فلوس فعلياً
ما تدري شنو أكثر خدمة مربحة ولا شنو اللي ياكل وقتك بدون عائد

٤- كل قرار ردّة فعل
اليوم إعلان باچر خصم عقبها خدمة جديدة، ماكو خطة بس محاولات

وهني المشروع يوقف مو لأنه فاشل لكن لأنه ضايع

شنو الحل؟

مو إنك تشتغل أكثر ولا إنك تتعب زيادة

الحل إنك تختار شي واحد تفهمه عدل تركز عليه وتبني عليه كل شي

المشاريع تكبر بالوضوح مو بالكثرة

إذا مشروعك واقف اليوم، اسأل نفسك
هل أنا عارف شنو الخطوة الجاية؟
ولا بس قاعد أشتغل وخلاص؟

المشروع اللي ما عنده خطة واضحه يركز عليها وعنده الف خطه ومنتج وخدمة شغال عليهم
راح يوقف لحد معين حتى لو كان يدخل فلوس، ماراح تقدر تروح المرحلة الي بعدها اذا مابسط الامور واخترت سكة وحده تركز فيها وادوووس

السر في التركيز

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها