حدث واحد ممكن يغيّر طريقة تفكيرك بالمشاريع

وايد مرات نسمع عن معارض كبيرة تحصل خارج الكويت مثل ليب بالسعودية و جايتكس في دبي و بيبان في الرياض الي وقعنا في اتفاقية بين مشاريع الكويت والسعودية قبل فتره وفي غيرهم من معارض محليه وعالمية البعض صعبه عليه يسافر ويحضر والاغلب يطالب بمعرض فخم محلي فيه مشاريعنا ومستثمرينا ومبادرينا لان كل مُبادر يحتاج يحضر ويشارك في مثل هذه المعارض وخصوصاً الي في وطنه، ليش؟

لان المعرض يعطيك شي ما تحصل عليه يوميًا

إذا ما عندك فكرة مشروع؟

تطلع من المعرض وانت طفحان افكار 10

إذا عندك مشروع قائم؟

تلقى خدمات، حلول، وشركات ممكن تتعاون معاك وهذه صارت معانا في مُشتري أكثر من مره بكل معرض حضرت فيه

وإذا عندك كاش وتدور فرص؟

هذي أفضل بيئة تشوف فيها المشاريع جدام عينك وتشوف ناس قاعدة تبني وتشتغل وتحتاج مستثمر فاهم مثلك

وإذا بس تحب التقنية؟

راح تشوف أشياء جديدة، ورش، مسابقات، وتتعلم من ناس خبرتهم عالية

احب اقولك ان هذا الحدث بحصل بالكويت وبمعرض اسمه نيكسس بنسخته الثانية بكون بشهر ديسمبر من تاريخ ٤ لغاية ٦ في مجمع ٣٦٠ داخل الارينا

بختصار

إذا تبي تطور نفسك وتبدي او توسع مشروعك، بتحصل الي تبيه في المعرض

اشوفك بالعرض على خير

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها